بقلم /ممدوح العناني
قصيده بعنوان
،،،،، نفسي ،،،،،،
نفسي
افتحلك قلبي
واصارحك
بعشقي وحبي
نفسي
اصارحك بالماضي
واقولك
ان عمري ضاع قبلك عالفاضي
بس
ياترى هتفهمي كلامي
وهتصدقي
اني بنادي عليكي في حلم منامي
وازاي
قلبي بيدق لما اشوفك صدفه قدامي
نفسي
اقولك على كل حاجه حاسس بيها
بس
ياترى فقلبك انتي بتحسيها
اقولك
طيب واقولك ليه وليه
طيب
لو قلتلك يعني هيكون ردك ايه
خايف
لا يكون حد غيري فقلبك ساكن
وانا
في قلبك مافيش ليا اماكن
نفسي
افتحلك قلبي واصارحك
بعشقي ليكي وحبي