فتحت عيني ع الحياة ملقتش فرحة
ولقيت كتابي م الحياة مليان دموع
ايامي فيكي بتنتهي بسكينة جارحة
حتى الطريق في نهايته ليه ملهوش رجوع
بصرخ يا قلبي والصدي بيرد هولي
انا عشت اعافر في الزمن واقف بطولي
وكتابي مفتوح يا زمن وبتحكهولي
ملقتش فيه من قسوتك غير الدموع
فارد شراعي يا زمن والموجة عالية
رخصت دمعي يازمن والدمعة غالية
طب قولي فين القى معاك انا فرصة تانية
دا انا قلبي مات من حسبته وسط الضلوع
ايامي فيك بتنتهي بسكينة جارحة
فتحت عيني ع الحياة ملقتش فرحة
ولقيت كتابي م الحياة مليان دموع
...
ايمن شتا
