- يا معلم
يا معلم قلبي يقول بهواك
والعين ماتميلشي الا لرؤياك
دانا لو تعبان ودوايا كتير
مايريحنيش غير بس دواك
يا معلم قلبي يدق معاك
ولا عمره يدق لحد سواك
والعقل منعته عن التفكير
بقى ليل ونهار مشغول وياك
دانا قبلك شفت سنين حيرة
مهموم والروح عايشة أسيرة
حبك حررني وعشت أمير
ماهو جاب وياه أحلى أميرة
ماتقوللي هواك غيرني إزاي
خلاني أخاف على عمري الجاي
ماتقوللي وسرك يابني ف بير
ولا عمري هابوح أصل أنا نساي
ياللي غرامك يتشال ع الراس
ياللي كلامك رقة واحساس
دانت ف عيني والله كبير
والقلب ملكته يا سيد الناس
قلبي وعشقك وخلاص ليك سلم
دانا من عشقك هفضل اتعلم
على ما اوصلك ادامي كتير
عشان أنت يا واد أستاذ ومعلم
يا معلم
بقلمي/ خالد جمال ١٢/٦/٢٠٢٥
