شعر بالعاميه التونسية
ثعلب ماتنداش بقلم
شاعر العروبة عبدالله العمراني
ماخابش كيف سمه فضيلة
وفي اسماها ماخطاش
زين قاتل ماشفت مثيلة
جرحه مايبراش
بدر ضاوي وسط القبيلة
ما يطولها العياش
ولا يحورها اللي أمواله قليلة
روحها مترضاش
طينتها من أرقى عيلة
وباباها مغشاش
تاركها لبنية عزيلة
وهي تغري لكباش
يتمنوها حتى ليلة
فوق قطعة لفراش
لكن ما باليد حيلة
خلاصها ماثماش
أنا منها تاعب احويلة
وقلبي أصبح خشخاش
وعيوني من الدمع نيلة
من كثر لكلاش
مصهود منها نارها ثقيلة
علتني في الجاش
وفوزي بيها الفرصة ضئيلة
ثمنها مانطولاش
سومها غالي صعيب انطولة
فتنوني لرماش
وذات عيون تبهر وكحيلة
خلوني ڨشڨاش
ذايب من داها فاضيلة
وتايه كيف وعلاش
اش لزني ع المر وكيلة
حتى انعيش في اهراش
مع قلبي إللي رام فاضيلة
ليش ما لجمتاش
تركت لهواها ماشيلة
غلطت ماكتفتاش
هزتني أشواقي الفاضيلة
خسرت عمري ببلاش
ونهايتي صفر الحصيلة
الحب ساعات غشاش
البداية وردية جميلة
وعقابها كرطوش رشاش
انحوس في وسط ايام ذليلة
وقلبي ماتهناش
عملتها فية فاضيلة
ثعلب ماتنداش