راجع نفسك قبل ما تلوم
راجع نفسك قبل ما تلوم وتشاور
يمكن العيب فينا مش في الزمان الغادر
يمكن إحنا اللي اتغيرنا من غير ما نحس
وبقينا بنحسبها بالمكسب والخساير
فين الطيبه اللي كانت في السلام
فين الضحكه اللي طالعه من القلب تمام
النهارده بنخاف نقول كلمه حلوه
ونحسبها كأنها دين أو التزام
الدنيا لسه بخير بس إحنا اللي بعدنا
عن الأصل والجدعنه والمعنى اللي جمعنا
زمان كانوا يقولوا الجار قبل الدار
دلوقتي الناس بتنكر حتى اللي ربّاها
كلمة آسف بقت صعبه على اللسان
والعِشره بقت أرخص من التليفون كمان
والود ما بين الناس بقى فيه حساب
وكأن القلوب بتشتريه بـكارت وضمان
لكن لسه في ناس قلبها أبيض ومليان
لسه في حب صافي من غير أي ألوان
لو لقيتهم. حافظ عليهم بدم قلبك
دول اللي معاك لآخر العمر كمان كلمات وتأليف شاعرالبسطاء أبومحمدسعيدالعربي
