أنا الطَيب
أنا الطَيب أنا القَلب إللى قولتِ عَليه كِده قُرَيِب
ومِش بَاتِلَون وصَدَقِتِ كلام ناس بِتِتِلَون
أَنا الإنِسَان ومِش كَداب ولا خَاين ولا غَدَار
وليه تِنِسِى إللى كَان بِنَا وقَبل قُولتِ إن أَنا إنتِ
أنَا وَطَنِك قَصِدى إللى كان وَطنِك
وخُونِتِيه وكَدِبِتِيه وصَدَقتِ إللى قَالوا فِيه
ومِين دُول وإِسِأَلي نَفِسِك
أَنا إِسِمك وُأَنا مِنك أَنا جُواكِ
شَايِل هَمِك أَنا دَمِك وإِسِأَلى دَمِي عَلى إِسِمك
أَنَاعُمِري مَا يُوم خُونِتك
أَنَا الإنِسَان إِلِلى جُواكِ ولِيه نِسِيتي
أَنَا الطَيب يَا غَلبَانه وأَنَا غَلبَان يَا إنِسَانَه
أنَا الحِنيه إللى جواكِ أنَا طِيبِتك وجُواكِ
أَنَا الِعِنوان أنَا الدَمِعه إللى فى عِنِيككِ
وليه نِسِيتي
أنَا حِلمكِ وأنا عَوضكِ وأنَا الأَيام إللى ضِحِكِتلك
كده حكايتي وفَاكِره إنتِ ولِيه نِسِيتي
أَنَا الوشِم إللى فى قلبك كِده نِسِيتي
وفَاكِره يوم نَقَشتى إسِمِي عَلى إديكِ
وفَاكِره لَمَا سَألوكي وقُولِتلِهم وخَبيته
وفَاكِره لَمَا قُولِتِلِهم وَدَه حَقي وَدَه حِلِمي
ولِيه نِسِيتي
وصَدَقتي كَلام مِنهم ولِيه نِسِيتي
أَنَا تَسِبيحَه حَوليكِ بِتِحِمِيكِ بِلاش تِنسي
وإفِتِكِري صَلاة الفَجر بَصَحِيكِ
وأَدِعِيلك وتِدِعِيلي
وفِنجَان قَهوه وِنَضَاره صَبَاح الخِير يَا نَوَاره
ويَا قلبي خُدى قَلبي
إللى كان يوم مَكان قَلبك
وكان وَطنك وتَسِبيحه على إدِيكى
ولِسه فيه حَجَات مِنك كَمان صُورتك
هَاتِ قَلبك عَشَان وطَني ومَحتاجلوا يِِدَفِيني
وأَنا الطيب أَنا الإنسان لايمكن أَخون ولا أَكذب
عَشان طَيب عَشان إنسان
عَشان عِنوانك إللى كان وحَيِفضل عَليه إسِمك
وبِتِسَافرى تِروحى بِعيد وأَفضل بَاردو جُواكِ
أنا بَاقى ومِش نَاسى أنا الإنسان إللى جُواكِ
أَنا الطَيب أنا القَلب وأنا الروح وأنا إنتِ
كده قولتِ كٍده قريب وليه نسيتى
شعر
على أبو السعود
