( بالعامية )
***,,,, ذكرى ,,,,***
شعر: بلقاسم بن سعيد
نهار نمشي في الشط الموحش
بالي مل الوحده مستوحش
تذكرتك باش إدفيني
أو بالبسمه الحوه تلفيني
قال قلبي يزى يكفيني
خليني عليها ما إنوحش
هكاكه نمشي ونعاني
نسمع في هاتف دخلاني
حدثني بعد إل ناداني
الورده لا شاحت ما تفوحش
إنسى الذكرى إل بيك تغرر
الماضي ما عادش يتكرر
لا تقعد تفتي أو لا تبرر
أو للذكرى المره ما تروحش
الموجه فوق الرمله تلعب
قلتلها كيفك تتشقلب
إلى عقلها ديما متذبذب
حقي بهواها ما إن بوحش
نهار نمشي في الشط الموحش
بالي مل الوحده مستوحش
شعر: بلقاسم بن سعيد
مدينة سوسه-تونس في: 16/12/2019
الصورة من تصميم منية مرابط.
