جبل عالي
أنا اللي راسي في السحاب
ومسدد للزمان حساب
لا جرح يكسر في ضهري
ولا دقت يوم ذل الأبواب
ماشفتش مني غير أصول
وكلامي ميزان وعقل يقول
أنا الصراحة في عز الضلمة
وغيري عايش على المحمول
يا دنيا ليكي ألف لون
وبيعتي غالي بألرخص ويهون
أنا قلبي مملكته نظيفة
ومش ببيع زي اللي يخون
الضحكة عندي ليها تمن
والغدر ملوش في قلبي سكن
اللي يفرط في الود مرة
يمشي ويغور ملوش مكان
يا بحر غدار يا عالي الموج
أنا اللي أعدي بأي فوج
لو مالت الأيام عليا
أفضل أسد مابين الهوج
يا عين شايفة وباصة بعيد
طريقنا نور وفرح وعيد
بنمشي بالحق والذمة
وسيرتنا تفضل زي الحديد
يا صاحب بعتني في ثانية
فاكرها دايمة دي الدنيا
إحنا المعادن والشهامة
وإنتو القشور يا مية مية
الختام مسك في الكلام
أنا الملك وسط الزحام
سلطان زماني بفعلي
وسلام يا دنيا ألف سلام كلمات وتأليف شاعرالبسطاء سعيدسعيدامام الشهير بشاعر البسطاء ابومحمد سعيد العربي