أَبَاجُورَة
ببـقـىٰ فـي وجـوده أَبَاجُـورَة
وفـي غـيابـه شـمعـة مطفيـة
حبيـبي الحُــب كـلـه والـهـنـا
وهـوا روحـي وقلبـي وعنـيه
أول ما شُـفـته قـلبـي رقـص
وقادت دنيتي قناديل حواليَّه
الـقـمـر فـي وجـوده يِـدَّارَىٰ
والشمس في نهاره مستخبيَّه
ضحكته أغاني وعـزف مزيكا
وطلته نصيـب ورزق فجريَّة
الورد يستـحـي مـن خـدوده
وأنفاسـه شذا وندىٰ صُبـحيَّة
خطوته بَنْدُول ساعة يتمخطر
ف ساعـة رضا ودلال وحِنيَّة
ونِسْمَة طَرِيَّة ف شَرْدِ الصيف
وحـواديتـه ف الشتـا مِـدَفِّيَـة
وصوته أغانـي ومعانـي تجنن
ورموشه سهـام تقتل بحرفيَّـة
فرحتي ويَّاه تِسِدْ عين الشمس
وهنايا وسعدي ف دنيتي الجاية
كلماتي:
الشاعر: حليم محمود أبو العيلة
مصر
