ريحة الحبايب #شاعرالبسطاء#سعيدسعيدامام
بصيت في طرحة النور والليل بينادينا
لقيت هلالك يا شهر الخير بيواسينا
يا رمضـان يا مجمع القلوب الحزينة
فين الضحكة اللي كانت بتملى ليالينا
يا حيطة دارنا قوليلي فين راحوا الغاليين
سابوا الفانوس مطفي ودموع في العين
كانوا هنا واللقمة كانت بتقسم اتنين
دلوقتي بناكل والحبايب مش باينين
يا مدفع الإفطار وحشتني لمتنا
ده الشوق في الغربة قطع حتة من حتتنا
يا رب هون على اللي شايل الهم ومخبي
ورجعنا تاني للبيوت ونور فرحتنا
يا شهر العبادة يا مصلح الأحوال
ارحم قلوب تعبت من كتر الأحمال
احنا غلابة وبابك هو اللي بيفتح
ومهما ضاقت علينا كريم أنت يا متعال
رمضان كريم يا اللي داويت جرحنا
بكرة ببركتك ترجع لنا فرحتنا
كلمات وتأليف شاعرالبسطاء سعيدسعيدامام