الدمع حجر من العين
ليك الله عوين يا مسكين
القلب غارق حزين
الموجة غادية بيك فين
كلاتك الغبينة
القرص عل وذنين
كل يعجن منك عجينة
مرة مشوي مرة طجين
أش هاد الروينة
كلامك ?!كلامك ..
السكات زين
المركب فين وصل بيك فين
الݣلب محروق ينين
ماكان بيدينا
ليام ياما فينا تجر
وحنا ياما فيها جرينا
وبالحفا يما حفينا
ليك الله عوين
ما جلنا بلدان
ما نعسنا ف ريش نعام
ما كلينا محنشة وحمام
الجيب مثقوب
والشيب نوار
والهم علينا عوام
وهمنا ف عش غراب
وكمشة طحينة
والشكامنا يفيق مدينة
ليك الله عوين
المكتوب ما هو بيدينا
المكتوب
بقلم نزهة رصين
