مايردعهم صوابة قولك بقلم
ابن الخضراء عبدالله العمراني
هذا عاهد لا ريت طحان كيفك
ولا شفت يوم خائن مثلك
تخدم عميل وهذي وضيفتك
بايع ضميرك وداهس على اصلك
تغدر ناسك اتصيبة بسيفك
واتخون بلدك فارح بفعلك
دافن حياك وساحق نيفك
واضح انك فاقد عقلك
كل مرتزق نذل يخيفك
فكرة فاسق هواه مايفيدك
احذر منه احسن مايهيفك
ويضرب ظهرك وينكر فضلك
ما اتخليه يكون رفيقك
هذا أكيد أسلم واحسنلك
اياك في يوم تنواه ضيفك
في أول فرصة يستغلك
يهتك عرضك ويخدش شرفك
اذا منحته يغمر ظللك
خطر كبير إنسان مايشرفك
ولا وراه خير يمكن يوصللك
كل طحان ما يلزم عرفك
ابزق عليه لو كان يقربلك
وليه احقر مايناسب ضرفك
انسان ساقط مايصلحلك
من خان بدلك غاوي نسفك
ويدفع عدوك يجي يحتلك
وياما مرتزقة مايهمهم وصفك
او يردعهم صوابة قولك
يتمنوا مايخرج عزفك
ولا يوصل ناسك وأهلك
يا عبدو ليش قاسي حرفك
والصراحة هي شغلك
