عيش حياتك
للبلياتشو!!
عيش حياتك زي ما انت إوعى تبقى حد تاني
إنت أيوة أيوة إنت إنت فيك كل المعااااني
عيشها طول عيشها عرض رحمة نور سُنة فرض
بين بحور أو ب أرض قلب طيب مش أنااااني
عيشها ديما صُبح طارح إوعى تبقى فيها جارح
واالا عاشق للجوارح كل من عليها فااااني
عيشها كلمة وعبد صالح إوعى تجري ع المصالح
جيت ورُوحْت بين مطارح واالا طالع منها جااااني!؟
إنت درويش فيها زاهد واالا عفريت في المشاهد
الحياة بتقول قواعد وانت بتقول يلا عاااادي
عيشها يابني بروح محارب يوم ما تخسر تبقى غالب
إوعى تخرج منها هارب تلقى نفسك يوم مكاني
خُد معاك ليل التجلي كون مسامح
واحضن الخير ب التخلي عبد صالح
يبقى فيك دفء التحلي جَي رايح
تبقى مرسى وأحلى معنى للتفااااني
بصمتك في الدنيا كلمة تكون جريئة
سبت فيها محبتك والا كرهك للحقيقة
لسه ليك ألف فرصة مِيت دقيقة
لسه عين العمر فيك عاشقة الأمااااني
نادي نفسك قول ياناس أنا اسمي راااضي
زيد حيرتهم حتى لو قالوا دا فاااضي
زيد غيرتهم قول ضميري ليا قاااضي
قول ضميري لسه أبيض مش رماااادي!!!
شعر عامي
للبلياتشو
وليد حسانين
7/1/2020
القاهرة/ مصر
وليد عوض إبراهيم حسانين/
