المراكبي
للبلياتشو!!
عشّمتني ب الحلق خرمت انا وداني
ما بين ستاير قلق مخبي أحزاني
راسم مراكب ورق ومشاعري واخداني
لدنيا فيها الملأ بينادي عجباني !!!!
عالم من الحواديت والدُنيا سجاني
أجساد كما التوابيت تماثيل بلا معاني
أصل الحياة تكرار تكرارها رباني
والليل سجنه نهار حتى النهار فاني!!!!
عُمر اللي فات ما ح يرجع
ولا اللي راح ح يعود
الباقي إنك تخضع للواحد المعبود
أصل الحياة دي مزار حبة سنين وأماني
ولكل إنس خيار والعمر مش مجاني!!!
والحق إيه غير نور والنور بييجي ثواني
والكلمة من غير زور تفضخ جنون الجاني
والظلم ليل وقبور والكذب عاش وحداني
والجهل رسم ل سور من غير قصور ومباني
والدنيا إيه غير غول تنفع غُلاف ل زماني!!!!
أجيال ورا أجيال شبهك وشبهي تمام
عالم وكُله عيال خدعوا الشعوب ب كلام
وارجع اقول يا مراكبي لفّ وعود من تاني
الدُنيا لعبة ركبي ملعون أبوك يا جناني!!!!
((معاني بعض المفردات
لعبة ركبي... يعني تكسير عظام))
شعر
للبلياتشو
وليد حسانين
القاهرة /مصر
/وليد عوض إبراهيم حسانين/
