النية معاد التوكل خبز بقلم
ابن الخضراء عبدالله العمراني
النية معاد التوكل خبز
والصعلوك هو اللي عايش
يبيع ويشري في الكل
وعارفينا منجوس وطايش
هذا زمان النذل بطل
وقدرة واقف في العشايش
والناس تحترمه واتجامل
وهوا هامل ماينطاقش
نفسه مريضه وعقله جاهل
سفسوف يتسلق ع الهامش
طالع صيته وهوا ناحل
كل افعاله ظلم وفواحش
ماعامل لمكايدة فاصل
في وكر المذلة راكش
امجمعها حامل بالنابل
ما تنفع امعاه حشايش
ولا يداويه طب ولا قوايل
راسه كاسح وعقله طافش
وطبعه عقيم مافيه مايعامل
كل فاسق في نعمة عايش
ولد الأصل محروم ماياكل
غرايب منها اتخليك كافش
والمجرم يعطوه مقابل
والصادق في حياته عاطش
محروم م الدنيا ولد الأصل
والصعلوك هوا اللي عايش
