نغم باللهجة التونسية
استسلم لمشيئة قلبي بقلم
ابن الخضراء عبدالله العمراني
خلي أمك عني ترضى
وماتوقف ظد رغبة قلبي
علاش تكرهني وعني تطغى
وهي تعرف انك حبي
احكيلها وقوليلها تنسى
مانتخلى يوم عن شربي
عشق بنتك فية يرعى
ومايبعد ويترك جنبي
هي امتاعي اليوم وبكرى
في بالك تاذيني ابغلبي
ونتركها بمصيبة كبرى
مهما تشقيني في تعبي
يجعلني فاهم مايجرى
حتى لو تشتم واتسبي
انعدي اهبالك ليك مانصغى
على جال بنتك هي طبي
ودواية وهي عندي الأحلى
توافق وللا ترفض طلبي
بنتك عنها مانستغنى
فيها روحي وتسكن قلبي
وبالنسبالي سند وسلوى
بيها انعيش وفرحي وطربي
والعمري مطمورة وضرعى
اتركت بنتك خافي ربي
وما تعارض واقبل المسعى
اليوم وغدوا بنتك حبي
مانغفل عنها ولا نسهى
ليش روحك امعاي اتخييبي
هي غرامي وليها اهوى
استسلم لمشيئة قلبي
بكفرك عني ما تستقوى
واعلم امك انك حبي
