اللي يعرف قيمته
بقلم شاعر البسطاء
سعيد سعيد امام
متخليش نفسك في الدنيا قليل الشان
ولا تدي لحد قيمة فوق مكانه كمان
اللي بيحبك بجد هيصونك في كل زمان
واللي بيبيعك مرة هيفضل طبعه خسران
مش كل ضحكة محبة ولا كل قرب امان
في ناس بتقرب لمصلحة ولما تخلص تقول سلام
خليك عارف قيمة نفسك من غير غرور او عناد
وارفض تعيش مكسور علشان ترضي العباد
اللي يقلل منك مرة متديلوش الامان
واللي يحفظ قدرك خليه دايما في الوجدان
ماتجريش ورا حد اختار يمشي في طريقه
اللي اختار البعد عنك خليه يكمل نصيبه
مش كل خسارة وجع ولا كل بعد حرمان
يمكن غياب شخص كان بداية راحة واطمئنان
خلي قلبك طيب بس خلي عقلك صاحي كمان
اعمل خير من غير ضعف وعيش حر من غير هوان
واللي يقدرك قدره واللي ينسى خليه ينسان
اصل العمر مش مستاهل نضيعه في زعل انسان
عيش بسيط وراسك مرفوعة وقلبك مليان امان
وخلي سيرتك بعد غيابك اجمل من حضورك في المكان
بقلم الكاتب وشاعر البسطاء
سعيد سعيد امام
