قصيدة بعنوان
(أنا لوحدي؟؟؟؟###)
أنا لوحدي إل كان عارف.
إن لسه الدنيا مخبي لي.
ضحكايه بعد كوم دموع.
أنا لوحدي ال كان عارف.
إن في نهاية السكه حقيقة.
هاكشفها وكلمة أنا لوحدي.
إل هاقولها ومفيش بعدها
أدنى رجوع.........
أنا لوحدي ال كان عارف.
إن أنا لوحدي وبطولي.
إن مفيش مولد ولا زفه.
ولادقة رق ولازار
ولا رقصة غراب على السلم
بيتحنجل ولا حتى
سبوع......
أنا لوحدي ال كان عارف.
إن مافيش حد هايمسح
دمعتي بإيده
ولا حد هايقول
لي مالك وفيك إيه كلها
مظاهر كدابه
وكتر كلام على
الفاضي منتظرين وقوعي.
وسقوطي على الغالطه.
ويكيدو شموع.......
ملعونه الدنيا
كدابه بتلاقي
فيها مليون وش وقناع.
بس ال أنا
عارفه إن على بابي خط أحمر ويافطه
مكتوبه عليها هنا ممنوع.
ممنوع تتكلم على الهايفه
مادمت إنك لا قادر تقول كلمه.
ولا ليك حتى صوت
مسموع......
طظ في كل الناس ال ما
تقدر تكون جنبي
ولو بكلمه
ويسيب الواقع
ويدخل لك
في مية موضوع.
ويحلل ويحرم ويوضح
ويشكل ويلون
وتفكر إنه يمد
لك إيده في وقت العوزه.
في وقت الجد
تلاقيه يهرب.
ويبرر وكأني
صحيت من حلم كنت أنا فيها مخدوع.
أنا لوحدي ال كان عارف.
إن لي رب مليش غيره.
وإن بعد الصبر أخرتها هاشتري نفسي وأقومها
وهاصلب طولي من تاني.
وهافرح وهابدل حزني
لغنيوه وهارسم ضحكتي
على وشي
وطظ في ال كان
فاكر إن أنا موجوع.
أنا لوحدي ال قررت
وأنا لوحدي ال حطيت
الناهيه بضربه قاضيه
كانت بإيدي ولوحدي
وأخذت قراري ومن عقلي
بدون ماحد يكون له كلمه
ولا حتى مشوره
ولا محتاج
حد يفكر لي وأحمد ربي.
إنه في وقت الشده كشف
لي عيون مفتوحه منتظره.
بس وقوع......
أنا لوحدي ال أنا عارفه.
إن أنا كلمة في وقت الجد
بقولها وإن بس هو ربي
ال خالقني ال له
ركوع......
أنا لوحدي......&&&&
19/8/2026
بقلمي أنا شاعر العاميه
(خيرى حسنى)
