زجل .... الحطابة......
سولو الكاس
علاش يعمر ويزيد
ف تهراس الراس
علاش ............
الݣلب يدݣ يدݣ
ف دخالو وسواس
تقطعت ل انفاس
ف عماق الحرف دويت
ب نغمى واحساس
ف الطريق
نشݣ نشݣ
المحنة شواكها قرطاس
الدهب رجع نحاس
ولي فيه الخير ظنيت
ل همي رجع عساس
عل الضبرة
يحك يحك
حتى بان عظم الراس
مال الدنيا رجعت غابة
ف اوراق شجرها ما حنات
ملي دخلوها الحطابة
سكتات طيورها ما غنات
ولي كنت نݣلو با با
الله يرحمو مع لي مات
الدنيا بشطونها غلابة
يمشي كلشي وتبقى الذكريات
لا طبة لا عشابة
قدرو ينسيونا ف لي فات
سولو الكاس من دبا
علاش عزيزة عليه الحياة
يجاوبكم جواب القرقابة
الدنيا زينها ف زين الخيبات
10 08 2026
محمد الادريسي
