السُلطانية
للبلياتشو !؟
مش غريبة إنك غريب
جُوه عَالَم مِ الغرايِب
الغرابة و العجيب
لما تِلقى الكُل غَايب
تِزرع الحُب بِ القلوب
تِطرح الكُره بِ زكايب
تمشي ومآمِن للنصيب
تِرجع مَليان بِ المصايب !!!
الله غالِب
هي دي دنيا العجايب
كُله شايف بس خايف
كُله بايس للكُفوف
رغم عشقهُ للشفايف
آه يا قلبي يا كتاكت
كله باصِص لِيه وساكت!!!!!
الطبيعي إنك تخرف
وسط عالم كُله خرف
لما ناس تقول علينا
إن قُرآنا مُحرف
إن ديني كله غيب
حتى وِرثي نفسهُ عِيب
وِ ان ربي مش يقين
واليقين إنك تراب
يبقى كُل حاجة وَهم
والحقيقة إنك سراب!!!!
آه يا عالم يا غبية
كُنت راجل أو وِلية
ياللا اِتوسل وِتوب
اُشطب فِكر الماركسية
اِغسل جُواك الذنوب
غاوي ليه تِكُون ضَحية
اِوعى يا بن وطني يوم
تِلبس تاني السُلطانية!!!!!!
/من ديواني
أحضان مغرمة/
شعر
عامي
للبلياتشو
وليد حسانين@
١٦/٨/٢٠١٨
مصر/ القاهرة
وليد عوض إبراهيم حسانين/
