مابين سراب اليأس
ما بين سراب اليأس والدرب والمجهول
شايل جراح من نزف شايل مشاعل نور
طالت دجي ليلاك وطاف بقلبي فضول
زرعت قلبي طيب طرحت خطاهم بور
كبحت جماح النفس لحد فى لحظة دخول
قلى النهاية بتبدأ ولا البداية فى سور
شاهد عليهم صمتك حل عليهم حول
طلع ما بين العتمة ما بين حياة ونشور
وشهقت للسما دمعة أنا ذنب ولا قبول
رد عليه قال لي دا حجك كان مبرور
وشايف من هنا قصرك وفيه أنت بتجول
ورئيت أنوار بتضمك بيسوقوك للحور
ركضت خلفه قلت ياواصل الموصول
فين أختفي ضيك ياعمي يامنصور
كمل معايا بشارتك صحيت بفجري أقول
دا خير رئيت رؤياك ومين كان الحضور
محمود محمد مطاوع
