قطعت البحر خليتني في امحوني
بقلم ابن الخضراء عبدالله العمراني
خليتني في نار لاهمة فية
وقعطت البر الروم شامت فيه
فراقك صعيب وغيبتك موذية
وجفيتني ومازلت عيني حية
وخليتني موجوعه
وصدمتني من ليعتك مفجوعه
انبات فايقة الضي النهار واطلوعة
انخمم عليك وحايرة مخذوعة
من هجرتك قلبي ردك اضلوعة
مصاب فاقد راحة ومنفوعه
بلابيك ماتوفه نهار ادموعه
ولايحس يوم بفرح حريق بلوعة
من عملتك يا ضناي صعيب ارجوعة
كما كان عايش في نسيم اربوعة
مرتاح هاني والزمان في طوعه
واليوم يا مضنوني
قطعت البحر خليتني في امحوني
وليام ماتحكيش سودة جوني
وكملوا علية بثقلهم مرضوني
ياكبد روحي يا ضي اعيوني
لو كنت نعلم بيك أو خبروني
مانتركك تهجرني اتصيب مكنوني
والله حرام عليك يامظنوني
من يوم ماسافرت ليعتك حية
وانبات طول الليل عيني حية
ارفق بحالي وعود يا غالية
خايفه انموت وأنت بعيد علية
وماحد يدفني ويحس بية
وتلبس قضية وما عملت فية
نبغيك جنبي ماتفارق لية
وفي كل مزرق شمس الطل علية
ونسمع صوتك امعاه لية تحية
وبنت ناس تشارك عمرك اتكون عربية
تعرف طبيعتنا وتفهم لية
ولا كافرة تحقرني وتمكر فية
