***زجلية مغربية تحت عنوان:
***مالك ألِيًام***
مَالِك أَلِيًام خسرتي ؤ دَوًدْتي
واخا مًلْحناك بالطيبة وَصْبر
ريحتك عطات ؤ ما حستي
فاحت بالقبح ؤُ لعفن والشر
الأمان نشرتيه ؤ ما خممتي
ؤ عْلَى حْبَلْ الخيبة و الغذر
مالك أ ليام للقلوب قَسَحْتِي
فقدت لونها ؤ وَلاًت صْخر
سْحَرْتِ بنادم وللوداد شوتي
تْلَفْ ؤ داخ، وضاع مَنو نْظر
شَتًتْتِ لَمْحَبًة و بالشر نورتي
ثمارت غلتك نفاق ضر وقْهَر
مْسَوْكَة بالرماد كارثة عدتي
ؤ بين عينيك لْقُبْح ، زاد كْبْر
طْلَقْ ْعروقُو واكتسح ذاتي
ؤما حَسْ او حشم ؤُلا شْعَر
طْفاتْ عْلَى سطحك شمعتي
، نْسيتِ كل صفا والله ؤلَقْبَر
ؤ بين رياض القلب ظًلْمَتي
غابت شموسي ؤ تغم لْبدر
بالكره والحقد للقلوب بليتي
ولخاوي يبقى خاوي ما يْعَمر
طريقو حفاري و ليها عمقتي
وَمَنها ما جا غير لْبَاسْ وَضُر
فمالك أليام تُهتي ؤ تصندلتي
ؤ وليتي عاطية للخير بالظهر
***الشاعر والزجال: أحمد الكندودي ***المغرب***
