نار وجنه
نار وجنه حبك انتى
ياللى فى الشريان سكنتى
نبض قلبى بينادى لك
وراح يجيلك فين ماكنتى
الجمال ده ازاى اسيبه
مين ياناس يسيب حبيبه
وانتى اغلى من عيونى
ايوه شايلك بين جفونى
بسمه منك تشفى قلبى
تضحكيها وانتى جنبى
شئ يخلى الفكر يسرح
والورود حوالينا تطرح
حتى لو شوكك هيجرح
قلبى راح يتحمله
وحبى بان من اوله
وارسمك فوق فى العلالى
وانقش الاحلام بحنه
ما انتى حبك نار وجنه
شعر أحمد اسماعيل / شاعر العرب
