كلمات شاعر بنى هاشم
الشاعر صبرى عبد الواحد الحساني
ليه الندم
ما تندمش على اللى فات
قدر مكتوب واعتبره مات
اللى اخده الزمن ما تقولش هات
يا بخت من مظلوم مش ظالم بات
ما تستسلمش للٱهات
أدفن ما ضيك فى هدوء وسكات
أمته بيرجع تانى اللى مات
خليهم يا صاحبى ذكريات
القلب مش ناقص ٱهات
والعقل مش حمل الشتات
فارق وانسى من سكات
لا عتاب ولا حد وهات
الماضى اعتبره خلاص مات
يا بخت من مظلوم مش ظالم بات
