سماح..ياقلبي
يسافر في المدى قلبي
عشان يلحق صلاة الفجر
يصلي ويدعي من قلبه
يتوب ربي عليه م الهجر
ويرجع تاني ..يتهني..
مع القمر اللي ساكن بدر
وارجع تاني..واشوفك
وادفي قلبي في كفوفك
وامسح بالحنان خوفك
يبطل قلبي يتنهد...
يقول الاه...
ويفضل حبي لعيونك..
نعيم جواه....
ما انا ياحبيبتي ياغاليه
ياست الحسن..حبيتك
وحتي الان...لكن ندمان
علي فراقي..ديار حبك
تمر ايام..تعدى ايام..
ويوحشني حنان احلام..
فهل ممكن نتصالح..ونتسامح..
عشان حتي عيوني تنام ؟؟
والا ده حلم..من احلام؟؟
.... ...... ....
شعر/نصر سيد بدر..القاهره
