مش راضي يحن
امتى حبيبي هيعطف ويحِن
دى الروح ف بعاده يا ناس بتأن
دانا سوقت عليه كل اللي شافوه
مافَضِلشي غير الأعمال والجن
امتى حبيبي هيكون حساس
ويحس بشوقي وحيرتي يا ناس
دانا من غير حبه يا خلق بتوه
ليه دايما قلبه سايبني أرِن
امتى حبيبي هترق عنيه
انا مش بشحت وبقوله جنيه
عيشني باغني واقول ظلموه
ماهو لا يفرحني ياهفضل ازن
هوه عشان قلبي ما مال ليها
تتملعن كده وتسوق فيها
لأ اصحى ومن اوهامك فوق
دانا قلبي كبير يا صغير السن
ليه شايف نفسه العم دولار
وبيعلى علينا ليل ونهار
يابني احنا اللي عملنالك سوق
من غيرنا تقل وتقلب يِن
مش راضي يحن
بقلمي/ خالد جمال ٢٧/٦/٢٠٢٤