صدقيني
مهما اقول واعيد وازيد
مهما اداري ف شوق وليد
اتولدت انا من جديد
يوم ما عينك جت ف عيني
الفرحة جت على بابي دقت خبطت
وحياتي رجعت تاني ليا اتزبطت
الشمس شقت ليل ف قلبي واشرقت
يوم ما قلبك قال شاريني
كل الآمال حسيتها فيكي وشوفتها
القلب مال الدنيا بيكي عرفتها
الحزن زال احلامي تاني ملكتها
فاض غرامي وزاد حنيني
يا عود ريحان يا ملاك ونازل م السما
يا غصن بان الروح اليكي مسلمة
يا فيض حنان يا نعمة جت من ربنا
نبض قلبي ونن عيني
صدقيني
بقلمي/ خالد جمال ١٤/٧/٢٠٢٤
