هواك أفراح
كفاية يا قلبي مدارية
كفاية جراح
تعبت خلاص وفاض بيا
من الاتراح
ومل الدمع ف عنيا
بكا ونواح
مادام حبيته ما تقوله
عشان ترتاح
مادام روحك دي بتميله
ونبضك باح
ده مهما تداري ف غرامك
هواك فضاح
تحاول تخفي ف هيامك
وفيك وضاح
ليه تمنع بس كروانك
يعيش صداح
ووردك جوه بستانك
يميل فواح
عشان خايف هواه يصدك
وتلقى الحلم جواك راح
ومايكونشي داري بودك
ولا حاسس بشوق طراح
مادام حاسه وعاشقه بصدق
اكيد اخرة هواك افراح
ده اصل العشق زي الرزق
هيوصلك لفين لو راح
ماترجعشي تلوم العشق
وتتحسر عليه لو راح
خلاص روحله كده وقوله
ورزقك يابني ع الفتاح
هواك افراح
بقلمي/ خالد جمال ٢/١٠/٢٠٢٤
