رضيت بالحال
مكتوب عليَّ نعيش هاكْدا
تايه ف حياتي مضيوم
سلّمت أمري لهاد النكدة
رضيت بالحال المشؤوم
حكمَك قاسي وانا مملوك
طايع مسلَّم أمرك مسموع
معذَّب نقاسي بْلَجراح مهلوك
مانويت نكون فيك مخدوع
هديتك قلبي ملفوف بحنان
ف بحر غرامك تنسيت
هواك الدَّاني ليه من زمان
بين لمَّاج غطست وهويت
لمتيني من غير سبَّة
صدَّقتي كلام عدياني
ما درتي بحق لمحبة
ما رَاعيتي عطفي وحناني
طير لغرام م العشّ هجرني
خوا مراسمي بقيت مكلوم
طار ف سماه تلف عنواني
خلاني تايه عايش مهموم
عبدالله الخفيري
