بقلم ممدوح العناني
قصيده بعنوان
،،،،،،، عشنا كتير ،،،،،،،،
عشنا
كتير وكمان شفنا اكتر
شفنا
ناس دمها سم وناس
دمها زي السكر
وناس
تروق بالك وناس لبالك
تعكر
وناس
تتمنالگ الخير وناس
عوزاك تفقر
ودنيا
كل ماتعيش فيها تشوف
اكتر واكثر
الدنيا
كدابه زي السواقي القلابه تعصرك لحد ما ضهرك ينحني او عضمك يتكسر
اياك
يا ولدي تديها مره الامان
ديا
نار بتكوي بس من غير حطب ولا دخان
تدلعك
تزعلك بدون ميعاد ولا ترتيب ولا اوان
وفجأه
منها تخلعك وتطلع منها يدوب بالاكفان
وتترك
ال جمعته كتير او قليل مهما كان
وطول
مانت عايش هتشوف تاني كمان وكمان