الليله الأخيره
كنت بقول ..
يمكن يكون بكره أمان
يمكن تنتهى الأحزان
يمكن تتحق الأحلام
وفى الليله الأخيره
ما كان فى إيدى حيله
كنت معاكى يا أمى
كنت شايفه .. كنت سامعه
لكن كان عندى أمل
كان الفراق شيء محتمل
و يشاء الرحمن ..
وفى لحظه كل شيء .. كأنه ما كان و ...
و تنهتى حياة الإنسان
وانتهت حياتك يا أمى
وانتهى معاها شيء أسمه ..
الأمان .. و الوجع ف القلب
والدموع تجرى على الخد
تعالى يا اخويا ..
أمك راحت وكأن الكون اتهد
وكأن مليش حد
راح الغالى والحبيب
الأب والأم والعالم كله غريب
والأغرب والعجيب إنى ..
بقيت مكانك يا أمى
الأخت والأم والجده
يارب هون عليا الشده
يوم فراقك يا أمى اتهديت
ومين يهون عليا الهده
ويطلع النهار ويروح
ويجى الليل و تعدى الأيام
و أنا و الدموع والدعاء
خلاص يا أمى بقينا أصحاب
ليلى رزق
