زجلية تحت عنوان:
وا حْشم ***
حْشم...
يا ذاك لمنونخ حشم
السن بالسن
نياب ذيب عضاض...
وقليان السم
طاقة سلبية
شخصية هابطة سادية
ما عْبَر ما خمم
ما خلى مقدس ولا دين
غرق لبلاد في لمنكر اللعين
قاس عزة اهل الاصول ...
ولكل القيم ساير يهدم
لعصا في رويضة
زمان السفاهة والرويبضة
ل جهل وفقر وضرب لقيم
عقلية السوق
ثرثار وبوق
مخلوق مذموم ...
وعلى الدرويش ساير يزطم
فقرو وجوعو
إيلا كَال آح يقمعو
عادت لقوانين حماية ...
لكل ل خان وجرم
مخلوقة عجيبة
ل عندو فيل زادتو فيلة
مزق لبيوت و ما حشم
آ حشم
اهذاك لحنكور
راه الدنيا بدالة والزمان يدور
تطيح تطيح ...
فغير وجد وتسنى النوبة يا لْهَم
راكب على لكلخة حاقد
مريض والشر في كَشوشو راكَد
مرفوض ممقوت ...
وبالسنطيحة زاد في هبالو وصمم
من رباعة إيلا فشلت غ رجمني
باش ما كاين ولا ترحمني
طاحت البيضة في الطاس...
ولعنة الناس حجر وصم
ما ندم
ما قال عار مغرور
مْوَلف السحت ومص دم لمقهور
لهزان ولفوحان وهو خاوي غ تيدرم
احشم
اش تدير يا لمسالي
دباز وترقاعو نقص وبالي
نسى وزنو ...
وعاد على الجبولة يزطم
احشم
بزاف عليك لعدالة
فالبندير إيلا تجلد يدير حالة
بلابلا ...
وفي الحاويات غدا تردم
احشم
***الشاعر والزجال:أحمد الكندودي ***المغرب
