نصيحة أمي
الشاعر / إبراهيم شبل
اسمع يا واد… وخد من عمرك حكمة الأيام
ده اللي شاف الدنيا قبلك… سابلك فيها كلام
فيه ناس مستنية الموت… ولا بييجي في ميعاده
وناس عايشة في الملكوت… قلبها سايبه لمراده
فيه ناس تمشي في النور… وما تخافش من عتمة
وناس تايهة في الدور… تايهة بس ما تشفهاش
فيه ناس بتحب الأذية… لخلق الله ببلاش
وناس تعفّ المهرة الأصيلة… وعمرها ما ركبهاش
تروح تشتري الوهم… وتبيع عمرك ليه رخيص
وتصحى تقول يا زمن… ليه القسوة م الخسيس
فيه ناس عاشت سنين… وعدّت عمرها عدّ
بس عقلها لسه صغير… ما كبرش يوم بجد
يا واد الدنيا لو جتلك… في صورة ضحكة وبنت
اوعى تميل بسهولة… ده القلب ساعات بيغلط
أصلك لسه في أول الطريق… ولسه بتتعلم
وقلوب الناس كتاب كبير… محدش فيه بيتكلم
مين فيهم كان أمين… ومين خان من غير صوت
مين باع العشرة ومين عاش ومات في السكوت
دا كل شيئ معدود بحكمة وسابح جوا الملكوت
الموت يا واد زي الحلم… يخطفك من غير ميعاد
و مين قال له استنى و مين قال له هخد زاد
مين وقف عل باب الحياةوقال له مش دا الميعاد
الدنيا نصيب مكتوب… واللقمة رزق مقسوم
واللي تعفّه اليوم… بكرة منه تكون محروم
ورزقك لو ليك فعلاً… كان جالك لحد الباب
ما كانش الزمن يدوّرك… ولا كنت تدق كعاب
يا واد اوعى تبكي… على اللي راح ونساه
اللي راح له ميعاد.. واللي جاي ربك جابه
عيش يومك باللي فيه وافتح صدرك للنسيم
وغنّي للحب مرة… حتى لو قلبك يتيم
هي دنيا دي بتتلوّن… مرة حلوة ومرة مُر
بس اللي عاشها بحب… عمره ما فيه تجر
ويعيش مرفوع الرأس أصله زي ذهب حر
وأعرف أسباب السعادة وفي قلبك ماتصر
خلي قلبك طيب… حتى لو الناس قاست
الطيبة مش ضعف… دي قوةبس تناست
يا أمي كلامك نور… في عتمة كل السنين
زي دعوة في الفجر… تفتح أبواب الحنين
قلبي دق لبنت… قمرايه نازل من سماه
بس خوفي م الدنيا… خلاني أقول ياالله
كل حب بالدنيا له مداه حبك بستخبى وراه
لما أطلب ودها بحب… وبقولها انتي الأمان
دا أصلها شبهك يا أمي… فيها نفس الحنان
دايما نصيحتك ليا علم… وكتاب مفتوح ليا
قلتي النصيحة في القلب ليا وفيا هي دوايا
أسمع لو تحب تفوز عيش عمرك تحت رجليا
الشاعر/ إبراهيم شبل
