( شعر شعبي)
. ما إنخافش ظلمة ليام....
شعر: بلقاسم بن سعيد
ڨالت: ماو ربي. علام...
و المخفي عنده معلوم
ما إنخافش ظلمة ليام...
و إنت و سط القلب تعوم
تضوي في الوجدان إظلام
أو تصنعلي جردة مشموم
كي تجيني حبي البسام
تضحك وسط الظلمه إنجوم
أو ترتع في وجهي لحلام
و نولي في الورد إنحوم
ڨلت: الحب بلاش أوهام
ما إيخلي لحزان إدوم
إينعوشها حياة المضام
مهما في الدنيا محروم
إيخليه إيغني. ال قدام
أو ينسى ما تعدى مظلوم
حبك لطااااالت..... لعوام
يبقى في ڨلبي مرسوم
بلقاسم يسحر بكلام
سعيدي بالمغنى مغروم
شعر: بلقاسم بن سعيد
مدينة سوسه-تونس
في:15/03/2022
