زجل
الدنيا ناعورا
سكرانا وسط الزباين
و الكل لفعايلك شاين
قد عشتي بلا محاين
و قيمتك فاين أ فاين
أ ناسيا دواير ازماين
لورث تخسر بالملاين
فليالي الكاس لخاين
و ليوم لا رحيم باين
أ ها عزك ارجع هاين
أ الجيب خاوي داين
تتشربي مرار لغباين
بمرافقا كل من كاين
صحاب شلا شطاين
لجالبين غم أ محاين
و راهم جميع رعاين
و لا خير فيهم باين
ما عاد ويل اطعاين
نوحي أ قولي مناين
يعود لي لجاه مناين
دار زمان آش نعاين
منصور العيش
إستبونا
10 - 02 - 26