رباعيات الشبل
[ حبيبي]
إبراهيم شبل
طب إيه يعني القمر وانس
داحبيبي أحلى منه يا ناس
جماله لطرح الورد الأساس
وجبنه بيضوي…ولا الماس
وطب إيه يعني القمر عاشق
وأنا في قلب الحبيب راشق
أنافي حبه… لازم أكون لايق
وبالي معاه… غنوة ع الرايق
طب و إيه يعني للقمر ضي
دا حبيبي قلبه شمس الحي
ونبضه لحن معزوف ع الني
ومن غير ندا… يلاقيني جي
طب إيه يعني القمر نساي
بيوعد… وتلاقيه مش جاي
حبيبي لو غاب ماأقول باي
وأفطر بيه… قبل عشاي
طب إيه يعني القمر ساري
حبيبي نور في ليلي داري
لما يضحكلي بيهون مراري
ويحضني… ينسيني ناري
طب وإيه يعني القمر عالي
دا حبيبي ساكن في خيالي
روحي قبله… تسبق سؤالي
وأعيش بيه ...ويقول تعالي
طب إيه يعني القمر جميل
دا حبيبي ماله بالدنيا بديل
وحضنه أمان… وقلبه دليل
وأتمنى العمر… معاه يطول
طب إيه يعني القمر غايب
دا حبيبي في القلب سايب
أثره حب… مش يوم تايب
وأنا ليه… طول العمر كاتب
طب إيه يعني القمر حيران
دا حبيبي ثابت مش خوان
وإن غاب… يرجعلي ندمان
وفي حبه إنا والقمر سهران
طب إيه يعني القمر بعيد
حبيبي أقربلي من ااوريد
ضحكتي عيده و ليا العيد
ومعاه قلبي بنبضه سعيد
الشاعر/ إبراهيم شبل
