يا والدة. بقلم
شاعر الرومنسية عبدالله العمراني
يا والدة قلبي انصهد بنارة
والحب يخلي دارة
نكبني بين الناس مخيب عاره
انعيش محتارة
في ظلام دامس شانعه بضراره
وعشقي غريب اطوارة
محبوب قلبي ماصدق في قراره
لغى مشوارة
ونكر فية أبعد هو واسراره
وماعرفة ليش اغبي فل بنظارة
وشوقي الزولة هازني تيارة
وكل يوم يتقوى هفيف اعصارة
حياتي اخسارة
وحلمي رحل امعاه ادموعي غزارة
وكبدي سحنها غاضها بمرارة
واحشاي متهري طاب من نارة
لو كنت فاهمة طينة غدارة
ماكنت نعطيه قلبي يزوز الدارة
ولا انهيم بيه انعلي مقدارة
لكن نصيبي ساقني لخيارة
من غير مانشعر خطفني مزارة
ودخلت بيت الطاعة نزلت فسوارة
من الحب. يخلي دارة
خلى حياتي صادمة واخسارة
