زجل
(حبيت من الفيس)
قالي حبيت من الفيس
بنت حلوة إيزيس؟
قلتله: ياراجل إعقل
ياأبوالعيال إتنيل
معاك حسن بيرضع
وحسين تلقاه بيسمع
ياخي إنت مابتشبع
ولابتنسي يوم خميس؟
قالي: حبيت من الفيس
كلها صورأجانب
حيات من العقارب
لغة بتنسي الحروف
في العيب تعالي شوف
لساك برضك خروف
بتحب تموت فطيس؟
قالي: حبيت من الفيس
عيب إرجع لأهلك
أم عيالك دي شكلك
مخدناش ع الكلام دا
دا إحنا كروت معايدة
رجاله وصعايدة
مش عروسة وعريس
قالي: حبيت من الفيس
بنت حلوة إيزيس؟
زجل ساخر
ل حربي علي
شاعرالسويس
