نجم بعيد
نجم بعيد ليه عالي وسايبنا في ليالي
كنا حواليك قلوب صافية وطيبة وحب غالي
دلوقتي واقف لوحدك فوق ومش شايفنا
ولا حتى فاكر مين اللي يوم كان شايلك في عينيه
قول لي ايه غيرك وخلاك تمشي بعيد
ده احنا كنا ليك ضهر وسند اكيد
كنت بتقرب كنا نفتح لك بابنا
دلوقتي ليه قافل علينا غيابك
ليه ليه يا نجم بعيد
فين اللي كان بينا من اول يوم اكيد
ليه ليه يا نجم بعيد
بقى القرب ذكرى والبعد هو الجديد
كنا بنضحك من القلب وانت وسطينا
والكلمة منك كانت تعيش فينا وتحيينا
دلوقتي صوتك بقى غريب علينا
وكأنك عمرك ما كنت في يوم لينا
تقول مش واخد بالك من حكايتنا
طب ليه زمان كنت سامع حكايتنا
وتقول مش شايفنا ولا حاسس بينا
امال ليه كنا بنور في عينيك سنين
ليه ليه يا نجم بعيد
كل حاجة فيك
اتغيرت من غير مواعيد
ليه ليه يا نجم بعيد
ولا انت خلاص اخترت تمشي من غير تمهيد
مش زعلانين بس الوجع بيحكي
عن وقت جميل فجأة راح واتنسي
لو ناوي تبعد خليك واضح معانا
احسن ما نعيش في وهم واحنا مستنيانا
احنا اللي كنا بنصدق اي كلمة تقولها
ونديك قلوبنا وانت تيجي وتكسرها
بس برضه لسه فينا حتة بتنده
يمكن في يوم ترجع وتحن وتفهمها
ليه ليه يا نجم بعيد
رد بكلمة حتى لو قلبك مش سعيد
ليه ليه يا نجم بعيد
ولا خلاص اخترت تعيش لوحدك بعيد
كلمات وتأليف شاعرالبسطاء سعيدسعيدامام #شاعرالبسطاء #سعيدسعيدامام #متابعة #الجميع @ #إشارة