يا مركب الشوق .... للأستاذة. مشاعل أحمد

مشاعر

للبلياتشو!!

المشاعر   هي هي 

صعب   إنك تشتريها

عيش حياتك  مش قضية 

يوم ما ترجع   هتلاقيها 

عمر واحد  ليك هدية

ليه  ب تعند  وتداريها!؟ 

الحياة من غير مشاعر 

جد صعبة   والصعوبة

إنك تسيبها     يوم ما تيجي

عشان تجيبها    تلقى غيرك

       كان شاريها!!

المشاعر   مسؤلية

مش تجارة أو تكية

المشاعر  أرض خضرة

و ب إيديك تصبح حورية!!

المشاعر   مش وسية

ولّا حكر  ومحسوبية

المشاعر  للجميع    والبديع 

تبقى إنت هي   !!

المشاعر  روح  رقيقة

تلقى فيها اليوم دقيقة 

مش كلام فيه استعارة

أو كناية او شطارة

هي دي يا بني الحقيقة!!

كله عايش 

زيف مشاعر    تمثيلية

مرة كوميدي   مرة هزلي

والدراما    والتراجيدي

والسيناريو  ظلال خفية

والحقيقة     بس فين

الحقيقة إنك ضحية!!؟

المشاعر  خيل أصيل

والتنوع  لك دليل

إللي عايش  للمشاعر    عاش ملك 

واللي  محروم  عاش    أسير

المشاعر مش      عروسة بزمبلك

المشاعر     روح      ضمير!!!!

/من ديواني

مشااااااعر/

شعر

للبلياتشو 

وليد حسانين

13/11/2021

القاهرة.. مصر..

/وليد عوض إبراهيم حسانين/