محطة الأحباب وناس زمان
بقلم الكاتب الصحفي وشاعر البسطاء سعيد سعيد أمام
عدينا في قطار العمر على محطة فيها الحبايب والخلان
ناس كانوا زي الدهب في صفاهم ويملوا البيوت بالأمان
فاتوا القطار وسافروا لبعيد وسابوا في القلوب ياما أشجان
قعدت جنب الشيخ العجوز في الحارة اسمع كلامه الصافي
لقيته باصص لفوق ل سما الكريم ويقول زماني وافي
قالي يا ابن
الأصول طبع في الدم وتستر الجسد الحافي
وتخلي اسمك تملي منور وسط البشر وفي كل البلاد
بلاش تبيع الصاحب لجل مصلحة أو سفر ومال متفات
صون الأمانة والعهد واصبر على حكم القدر والآهات
وارمي الحمول والهموم ورا ضهرك وعيشها بالراحة
دي الدنيا ساعة زمن وبلاش نعيش في طمع وجشاعة
وقفت ع الشط احكي للبحر همي وغرامي المسافر
لقيت موجه العالي يجر الشقا في المية ويعافر
واللي يود الغلابة ويعيش بسيط عمره ما يبقي خاسر
كلمات وتأليف شاعر البسطاء سعيد سعيد أمام
