تحيا مصر ام الدنيا تعيش من غير الحرامية
خلونا كلنا في الشارع واقفين على الجمعية
نقول لله يا محسنين ارحمونا هاتو العيدية
الناس الكبيرة كتيرة تقع زي لحمة الضحية
المسؤولين اتعامو ف عنيهم مفيش انسانية
تحيا مصر ام الدنيا نقولها جعانين عصباجية
تحيا مصر ام الدنيا تقولها الشبعانة الحرامية
اتعلمنا الرچيم اجباري وخدنا دورات توفيرية
عايشين ع البقوليات اللحوم البيضة بالحلمية
حتى الرغيف لعبو فيه 2 جينة سعره بالنقدية
10 دولار نعمل لها جمعية عشر افراد مصرية
المهم يكون اوراقه موثقة بالجوازت الجنسية
ارحمونا اغيثونا الناس بتفجر روحها انتحارية
الدعم النقدي ده فضيحة بحقنا غير اخلاقية
افتحو لنا في كل محافظة عندنا تكية مصرية
تحيا مصر ام الدنيا للمبسوطين للغلابة فانية
نفسنا نشوف الوطنين اللي قلوبهم فيها حنية
اكياس الفول والطعمية
د عماد العمدة العمدة
سفير القلم الذهبي و الثقافة
