زجل..............قلت لعقل.......
انت هو انت
ولا باغي تتبدّلْ
رجليك واحلة ف الݣلتة
وعينيك معلقة ف جبل
عوادتي نفس الغلطة
لي طحتي فيها من قبل
واش سبابك الزلطة
ولا غ قلة لعقل
ما توحشنا غي لي ساكن
تحت التراب
مزال القلب متعلق بيه
اما لي داتو الدنيا عندنا
كيف السراب
قادرة ليام تنسينا فيه
كيف النسر كيف لغراب
قد ما علا فسماه
نزول للارض يواتيه
انت هو انت
ولا باغي تتبدل
ما حسيت ب الشمتة
حتى قلت تنبغيك
البسمة ف السن مربطة
ولغدر معمر عنيك
ما تحلاس ما تملاس
ما تدير خير
باش يشكروك الناس
انت هو انت
ولا باغي تتبدل
محمد الادريسي
22 06 2026
