يا بيِّ
يا بيِّ المش معزوم
عفرحي ولا حتقوم
تمسك بإيديِّ
وتعانقني بحنّية
المنها محروم
يا بيِّ المرحوم
اتطلع فيِّ بهاك لعيون
وافتخر فيِّ
أنا ابنك بكون
صرت متلك رجّال
أحلى ما في الكون
ويا امي دموعك امسحي
بيلبقلك فيِّ تفرحي
وصدرك لإلي افتحي
اتحمّلتيني كيف ما كون
ياما صلّيتي ودعيتي
توصلت برضاكِ لهون
بيكفيني قلبي الموجوع
لمخبّى بين لضلوع
وحابس بعيني لدموع
حتى ما يقولو دلّوع
رح بتضلي لراسي تاج
ويضل فيك مرفوع
من صيدا /لبنان
فاطمة البلطجي