نغم باللهجة التونسية
ليش اخترت البعد علية بقلم
ابن الخضراء عبدالله العمراني
ليش اخترت البعد علية
وتركت القلب اللي حبك
وليش اتغيب واتخلي بية
واتبهذل شيرتي في جرتك
وليش تقطع علاقتك بية
بلا موجب تهرب من حضنك
وليش تشعل نيرانك فية
وتاذيني بوجايع جمرك
ليش تحرقني ياغالية
ماكنت انفكر في غدرك
ليش تخلق العدوية
وتفرضها عني من فضلك
ليش اتخون وهج الحنية
وتهجرني واتخالف وعدك
ليش تركب الأنانية
وما تراجع مصيبة صلفك
ليش اتسللم في عينية
واتبيعهم للدمع بذنبك
ليش تتجاهل معطى يدية
ياما سقوك ودافعوا عنك
ليش تنزل تحت الرجولية
وتصبح تافه مذموم قدرك
ليش تتماشى مع الكيدية
اتعيش معزول ع الناس طول عمرك
ليش تجعلني انروح ضحية
وتقتلني بجريمة خبثك
ليش اخسرت التودع لية
وتعلمني بقرارك وامرك
