رَبي
رَبي فى قَضَائك رَحمه
لَمَا رَمِيتي حِمِلك على كِتَافي
قُولت دَا كَافىِ
إوِعِي تِزيدي أَحِسن أنا كَافىِ
نَفس مَكِروش بَس أَهو كَافىِ
بِيجِيب فَتَافِيت تِمِله بُطون العِيال
قُوم العِيال تِنام
أُُم العِيال تِنده تِقول نَاموا العِيال
إِعِمل حِسَابك إن بُكره مَافِيش
أََصِرخ أَقول كَرِشِة نَفَس يَا وِلِيه
تِجِري تِجِيب مَيه تِمِسح جِبين عَرقَان
عَرق الغَلابه نِيران مُمِكن تِهد جِبال
بَس الكُروش فَاضِيه
بِتِجبر الغَلِبان إن يِعِيش مِتِهان
عُمره مَايِرفع صُوت ولا يقول لاء
وِيِخَاف من السَجَان وَأبو العِيون زَرِقه
ضَهر الفَقير إتِحَنى من كُوتر قول أيوه
عَايش مَالوش فى الوطن
أصِل الوطن مَخِطوف مع الفَقير مِش فرقه
أصل الغَلابه عِيال قاعده مستنيه لقمه
مُمِكن تكون من غير غموس مِش فَرقه
تِمِلا البُطون وِمِعها حبة مَيه
قُوم العِيال تِنام مَا تِخَاف من الضَلِمه
مِش عَايزه صُبح يِبان
عَشان مَافِيش والبُطون فَاضِيه
لِيل الفَقير نِعِمه من التَعب بيِنام
مَيِخَافش من الزحِمه
نَاسىِ عَصايةالسَجَان والامُور مَاشِيه
يِطلع نَهَار قُوم الفقير يِتِخِطف خَطِفه
قَلِبه يُقف من الزَحمه
يصرخ يقول الفرج جَاني يالله بَقه
خُدني عَشَان أَرِتَاح
ربي فى قضاءك رحمه
شعر
على أبو السعود