نغم باللهجة التونسية
يا جارح قلبي افضالي بقلم
ابن الخضراء عبدالله العمراني
يا جارح قلبي افضالي
واعملي احساب وتفكرني
لو ماكنتش عندي غالي
ما تقدر يوم اتبهذلني
ولا تخطر ثانية على بالي
ونعملك قيمة وتشغلني
حبك نكد عني احوالي
مهمشني فعقلي وضييعني
وانت ما ناوي تصغالي
شامت فية ومتجاهلني
جاعلني أنكت من اثقالي
نحمل في عشقك جابرني
انواصل مانفقد أمالي
لعلك يوم فيه تنصفني
وتعزم ترضى بستقبالي
وتعطف واتحن وتحضني
يصحى ضميرك اتحس بحالي
وتاخذ بخاطري اتكلمني
يرق قلبك تنصت لقوالي
ولهواك اتقرر تجلبني
ونربح زولك يا غوالي
وبقية عمري تسعدني
واتكون امعاية ميثالي
تأخذ بيدي وما تكسفني
وانعيش بجنبك طوالي
من غرامك ما تحرمني
امنيتي انك تفضالي
ولو ثانية فيها تسمعني
ما عندي غيرك يحلالي
وساكن قلبي وامعذبني
جاعلني ايام وليالي
انعاني من حبك دمرني
واقعه كيف الطير الجالي
ماعندي عش يستقبلني
