كداب يا غرام
ابعد يا غرام كفايانا عذاب
ضيعت عليك كل شبابي
ابعد ما قفلنا خلاص الباب
م اللي أنا شفته من أحبابي
قلتلي هنحس معاه بأمان
والخوف هيفارق أعتابي
ولا شفت أمان ولا حتى حنان
وكأني عشقت أنا إرهابي
قلتلي هنداوي ف جرح زمان
لما انسى معاه كل عذابي
قام داوى الجرح بجرح كمان
وزهقت وتعبت أعصابي
قلتلي هيعوض فيك حرمان
والفرحة هترقص على بابي
وريتني الحزن معاك ألوان
ولا فاد فيك لومي ولا عتابي
كداب يا غرام ومالكشي امان
ووجودك دنّس محرابي
ابعد يا غرام كفايانا آلام
دي طيورك هجرت أسرابي
قلبك خوان وحجر صوان
ووجودي معاك زي غيابي
كداب يا غرام
بقلمي/ خالد جمال ٢٩/٥/٢٠٢٥
