انا وردة فايحة كل نهار
ماشي كلمة نتسناها كل عام
ماشي حروف موشومة
وباقة ورد مقسومة
أنا فتيلة ف ظلام
انا صوت عال
يحكي بلا وصاية
انا بسمة ليك غاية
أنا جناحك
الى كانت النية صادقة مراية
انا البنت والاخت والام
ف كفوفي حناني
كل زواقة منك حكاية
انا الشمس الى ضوات
ليك ظللت وتحنات
انا الطير لما يرقص
سمع منك احلى كلمات
انا الارض الخضرا
من عطفك روات
انا السما الصافية
الى زيناتها زينة الضحكات
وانا الليل بظلامو
الى طاحت نجومو وبكات
كل يوم ونساء العالم بخير
أنا وردة
بقلم نزهة رصين
